ميزاننظام إدارة مكاتب المحاماة

ميعاد واحد بس… ممكن يضيّع قضية. علشان كده عملنا ميزان.

نظام عربي متكامل بيمسك شغل المكتب كله: القضايا والجلسات والموكلين والتوكيلات ومواعيد الطعن والخزينة. وبيفكّر موكلك بجلسته على واتساب.

جرّبه على مكتبك قبل ما تقرر. ابعتلنا وهنبعتلك بيانات الدخول للنسخة التجريبية في دقايق.

كل شغل المكتب في مكان واحد

من أول ما تفتح الصبح لحد ما تقفل الخزينة آخر الشهر.

أجندة النهارده قدامك أول ما تفتح
جلسات النهارده وبكرة، وتنبيهات بالقضايا اللي مالهاش جلسة جاية، والمهام المتأخرة، ومواعيد الطعن اللي قربت.
يوم المحكمة في شاشة واحدة
جلسات اليوم متجمعة حسب المحكمة، ومع كل قضية الموكل والخصم والتوكيل وآخر القرارات. ترصد القرار من القاعة، ولو اتأجلت ميزان بيعمل الجلسة الجاية لوحده.
ملف كامل لكل قضية
البيانات والجلسات والمستندات والمهام والحساب والملاحظات في مكان واحد، والقضايا المرتبطة ببعض متوصلة ببعض، وبيان الحالة جاهز للطباعة.
الخزينة من غير ورق
سندات قبض بترقيم تلقائي والمبلغ مكتوب بالحروف، ومصروفات على المكتب أو على الموكل، وكشف حساب لكل موكل. ولو الأتعاب أقساط، ميزان بينبهك بالقسط المستحق.
تقارير تعرف منها مكتبك ماشي إزاي
المحصّل والمصروفات آخر ست شهور، والقضايا حسب الحالة والنوع، وأعلى المستحقات على الموكلين.

حاسبة مواعيد الطعن
تحسب آخر يوم للاستئناف والنقض وغيرهم وتضيفه مهمة بضغطة. المواعيد استرشادية وبتراجعها قبل ما تعتمد عليها.
تذكير الموكلين على واتساب
الموكل اللي عنده جلسة بكرة بيوصله تذكير بميعادها ومكانها، تلقائي كل يوم في نسخة الشركات.
التوكيلات
رقم التوكيل ومكتب التوثيق ونوعه وحالته، وصورته تحت إيدك يوم الجلسة.
نماذج جاهزة
عقد أتعاب وإنذار رسمي وإيصال استلام وحافظة مستندات، بتتملي من بيانات القضية.
التجديد من الشطب
لو القضية اتشطبت، ميزان بيعملك مهمة التجديد بميعادها قبل ما المدة تخلص.
الإنابات بين الزملاء
سجل بالجلسات اللي زميل بيحضرها عنك أو انت بتحضرها عنه، وبتظهر في أجندة اليوم.
بحث في كل حاجة
رقم قضية أو اسم موكل أو قرار أو ملاحظة، من مربع بحث واحد.
على الموبايل كمان
بيتثبت على الموبايل زي التطبيق ويفتح من الشاشة الرئيسية.

جولة سريعة في ميزان: أجندة اليوم، ويوم المحكمة، وسند القبض، في أقل من دقيقة.

نفس النظام ونفس الواجهة. الفرق في عدد اللي بيشتغلوا عليه، والصلاحيات، ومكان البيانات.

للمحامي اللي شغال لوحده

لمكتب فيه فريق

كل اللي في النسخة الفردية
البيانات مشتركة ومتزامنة بين كل الأجهزة
مستخدمين بأدوار: مدير ومحامي وسكرتير ومحاسب
السكرتير مالوش دخول على الخزينة والسندات، والمحاسب شغله على الخزينة والتقارير وكشوف الحساب
إسناد القضايا للمحامين وقائمة «قضاياي» لكل واحد
سجل بكل عملية اتعملت ومين عملها
رفع ملفات ونسخة احتياطية تلقائية كل يوم
تذكير واتساب تلقائي للموكلين وإشعارات للفريق

صلاحيات التعديل بيطبّقها السيرفر نفسه مش الواجهة بس، والدخول عليه حد للمحاولات، وكل نسخة شركات ليها نسخة احتياطية يومية.

ابعتلنا على واتساب وهنبعتلك بيانات الدخول للنسخة التجريبية، ونرد على أي سؤال عن النظام.